გაყიდვებისა და ბიზნესის განვითარების მენეჯერიჭკვიანი აგრიკულტურა და გარემო რესურსების მონიტორინგისაქართველოს უმსხვილესი IT ჰოლდინგის, UGT ჯგუფის წევრი კომპანია ნექსი ტექი, რომელიც ფოკუსირებულია თანამედროვე ინოვაციურ ტექნოლოგიებზე (ნივთების ინტერნეტი (IoT), ხელოვნური ინტელექტი (AI), კორპორატიული ბლოკჩეინ სისტემები და სხვ.), აცხადებს ვაკანსიას გაყიდვებისა და ბიზნესის განვითარების მენეჯერის პოზიციაზე, გარემოს მონიტორინგისა და ჭკვიანი აგრიკულტურის სფეროში.აღნიშნულ პოზიციაზე თქვენი ძირითადი საქმიანობა იქნება პოტენციური კლიენტების მოძიება, მათი დაინტერესება კომპანიის პროდუქტებითა და სერვისებით, და გაყიდვების უზრუნველყოფა. ამასთან, მენეჯერს ექნება მაღალი ჩართულობა კომპანიის მომწოდებლებთან მოლაპარაკებებში რათა მოახერხოს დამკვეთებისთვის მის მოთხოვნებზე მორგებული, კონკურენტუნარიანი შეთავაზებების ფორმირება.თუკი თქვენ გაქვთ აგრარულ სფეროში ბიზნეს აქტივობების გამოცდილება, ერკვევით ფერმერების მოთხოვნილებებსა და საჭიროებებში, გაინტერესებთ თანამედროვე ტექნოლოგიები აგრიკულტურაში და თვლით რომ კომუნიკაციისა და გაყიდვების კარგი უნარები გაგაჩნიათ - შეიძლება ეს ზუსტად ის სამუშაო იყოს, სადაც თქვენ შეძლებთ გახსნათ საკუთარი პოტენციალი და შეიქმნათ წარმატებული კარიერა. ასეთი სურვილის შემთხვევაში, გთხოვთ გაეცნოთ ქვემოთ ცხრილში მოყვანილ დეტალებს.დაინტერესებულ პირებს გთხოვთ თქვენი რეზიუმე მოგვაწოდოთ მისამართზე: ugtgrouphr@ugt.ge არაუგვიანეს 2019 წლის 31 მაისისა.ნექსი ტექი ორიენტირებულია თანამედროვე, ინოვაციური ტექნოლოგიების გამოყენებაზე და მისი დანიშნულებაა ხელი შეუწყოს თავისი დამკვეთების წარმატებულობას და წინსვლას, მათთვის თანამედროვე, ინოვაციურ ტექნოლოგიებზე დამყარებული გადაწყვეტების დანერგვითა და სერვისების უზრუნველყოფით.ძირითადი როლები და აქტივობები

• პოტენციური დამკვეთების მოძიება, კომპანიის შეთავაზებებით მათი დაინტერესება და გაყიდვების შესაძლებლობების ინიცირება
• გაყიდვის პროცესის წარმართვა და კლიენტთან ორმხრივად მისაღებ პირობებზე მოლაპარაკება
• კომპანიის დამკვეთებთან სანდო და მჭიდრო ურთიერთობების აწყობა, მაღალი ხარისხის სერვისისა და დამატებითი გაყიდვების უზრუნველყოფის მიზნით
• კომპანიის მომწოდებლებთან მოლაპარაკებების პროცესის წარმართვა, დამკვეთებისთვის კონკურენტუნარიანი შეთავაზებების ფორმირებისთვის საჭირო შეთანხმების პირობების მისაღწევად
• მაღალი ჩართულობა კომპანიისთვის ახალი პარტნიორების და მომწოდებლების შერჩევა-მოლაპარაკებების პროცესში
• მაღალი ჩართულობა მარკეტინგული აქტივობების დაგეგმა წარმოებაში, მიზნობრივი კლიენტების აღქმაში ნექსი ტექის ცნობადობისა და სასურველი პოზიციონირების უზრუნველსაყოფად
• სენსორული მოწყობილობები, საკომუნიკაციო ქსელები და პროგრამული სისტემები - ჰაერის, წყალის და სხვა ბუნებრივი რესურსების მონიტორინგის და კონტროლის პროცესების გაუმჯობესებისთვის
• IoT სისტემებზე და პლატფორმებზე დამყარებული გადაწყვეტები მევენახეობის, მეცხოველეობის და აგრო სფეროს სხვა დარგებში მოქმედი ორგანიზაციების საქმიანობის ეფექტიანობის გაუმჯობესებისთვის

სასურველი უნარები

• ადამიანებთან ურთიერთობის ადვილად დამყარებისა და შენარჩუნების უნარი
• შეთანხმების მიღწევისა და სასურველ პირობებზე მოლაპარაკების უნარი
• ტექნიკური სახის ინფორმაციის ადვილად ათვისებისა და გასაგებ ენაზე გადმოცემის უნარი
• დამოუკიდებლად და მიზანმიმართულად მოქმედებისა და შედეგების მიღწევის უნარი

სასურველი ცოდნა და გამოცდილება

• გამოცდილება აგრარულ სფეროში
• ფერმერების მოთხოვნილებებსა და საჭიროებების ცოდნა
• გამოცდილება ინფორმაციული ტექნოლოგიების სფეროში
• ინგლისური ენის გამართულად ცოდნა